Max INfo
نحكي على الحوت المربي موش الحوت لي في البحر توضيح فقط.
كان تعرفو الوراطة والقاروص المربي فاش قاعدين يوكلو فيهم الا ما تحلفو لا عاد تشريوهم كي كونو بلاش !!!! .
مانيش باش نحكيلكم على ريش الدجاج المرحي و المهدرج لا الساقين بالظوافر لا الجلدة لا العظومة لا القرون لا قشرة العضام اللي الكلو يترحى و يولي فارينة حيوانية خاطر انجمو نعتبروهم مواد عضوية المشكلة موش غادي.
المشكلة سيدك بن سيدي في الدم !!! اينعم الدم و مشتقاته من فارينة البلازما البلاسنتا و غبرة الهيموغلوبين اللي هوما ممنوعين في بلدان الاوروبية من عام 2002 وفيبالكم بالدجاج والدندون والهرمونات المستعملة في تربيتهم والدمومة متاعهم كيفاش تتشيح وتولي فارينة.
و من غير ما نذكرو اسامي معامل الدجاج و كباراتهم اللي ما يلوحو حتى شي الكلو يترحى ويزيدوه الزيوت على كل لون يا كريمة ( باش العلفة تتلم و ترزن وتهبط في وسط الكاج القفص و مي هزهاش التيار البرا مالقفص ) هذاكا علاش كعبة لوراطة كي تشويها تبدى تخرج في الزيت تقول مقلية مش مشوية و مطعمها مقهم.
هذا من غير مانحكيو على الاونيبيوتيك والدوايات الكيمياوية اللي تتعطالهم كل شهر وكل 3 شهور.
يعيشكم راهوموضوع خطيرو برشا امراض تنجم تتنقل للانسان و حتى للحوت المسيب مع جنب الكيجان و ما تنساوش اللي النصيحة مالدين.
