Actualité
Home / buzze / سرّي : الصحفية سناء الماجري بعد فضيحة الشهائد المزورة بسيدي بوزيد وتشغيل المئات دون مؤهل علمي اليكم ملفات فساد بالمندوبية الجهوية للتربية بقفصة.

سرّي : الصحفية سناء الماجري بعد فضيحة الشهائد المزورة بسيدي بوزيد وتشغيل المئات دون مؤهل علمي اليكم ملفات فساد بالمندوبية الجهوية للتربية بقفصة.



(المندوبية تشغّل في 5566 مدرس ابتدائي وثانوي من غير الإداريين والعملة )



_ فما 3 إطارات تدريس تمّت احالتهم على عدم المباشرة وقعدت شهاريهم تمشي : النتيجة 39 الف دينار شهاري دفعت دون موجب!!



_ زوز إطارات تدريس خرجو شهرين و3 شهور عطل دون أجر، و رغم ذلك خلصوا في اجورهم: النتيجة 7 آلاف و 200 دينار شهاري دفعت دون موجب!!

_ زوز إطارات تدريس، كانوا ما يقرّوش و رجعو لخدمهم نهار 21 أكتوبر 2011 و 14 سبتمبر 2013، المندوبية رجعتهم اداريّا و ما عينتهمش في حتى مقر عمل، النتيجة 67 الف دينار شهاري دفعت دون ما يقابلها عمل فعلي!!

_ 13 عون (بين مدرسين و قيمين و عملة) تراوحت فترة غيابهم بين عام و نصف و خمسة سنين خلال الفترة من سبتمبر 2010 الى ماي 2016، و لا واحد فيهم تعرّض لعقوبة من أي نوع، منهم 3 خلوهم يرجعو يخدمو بعد غيابات غير شرعيّة لفترات تراوحت بين 21 و41 شهر، و منهم 9 قعدو يقبضوا في شهاريهم في فترات غياب تراوحت بين 3 اشهر و 2 أعوام قبل ما تتوقّف شهاريهم، و النتيجة 91 الف دينار أجور دفعت دون وجه حق

_ 13 معلم تمتّعوا بين 2010 و2016 بأجورهم و منحهم و ترقياتهم دون القيام بأي عمل فعلي، المندوبيّة قالت هاذوكم في وضعيّة اسمها : « عمل تربوي »، و الدّائرة جاوبتها قالتلها « وضعيّة عمل تربوي » هذه غير قانونية أصلا!!

_ معلّم توفّى رحمه الله نهار 4 مارس 2010، شهريتو قعدت تتصبلو الى حدود فيفري 2016، و النتيجة 70 الف و 500 دينار شهاري دفعت خطأ!!

_ 80 الف دينار أجور و منح لعونين غابو لمدة 4 سنوات و 9 سنوات على التوالي، و قالوا انهم تعرضو لحوادث شغل، و الدائرة ما لقات حتى شيء يثبت انو الحوادث الي تعرضولها هي حوادث مهنية!!

_ المندوبية فيها 1400 معلم نائب، بين 2011 و 2016، 29 الف دينار: هي المبالغ الي تصرفت خطأ على شهاري عينة من 200 معلم نائب

17 عون تمتعوا بأجر كامل رغم انّ الغيابات السنوية لكل منهم تفوق 60 يوما ما يعني انه قانونيّا ما يأخذو الا نصف الاجر، وبعد دون أجر حسب تقرير اللجنة الطبية!!

_ عون تمتّع بعطلة مرضيّة بعامين بين سبتمبر 2011 و سبتمبر 2013، ما تمّش عرض الملف متاعو على لجنة طبّية للتثبّت من حقيقة المرض، و فوق هذا، خذا شهاريه والمنح كاملة طيلة فترة الغياب!!

_ 2% فقط من العطل طويلة المدى، يتم تقديم الشهائد الطبّية المتعلقة بها في الآجال، و فمّا الي توفى الفترة المسموحة بيها في الشهادة الطبية متاع عطلتو طويلة المدى، و يواصل غياب دون تقديم شهادة جديدة، مثلا الدّائرة تلقى 9 أعوان عندهم 61 شهر غياب على أساس عطلة مرضية طويلة المدى، و ما عنهمش شهادة طبّية تبرر هذا الغياب!!

_ برمجة بناء 3 مبيتات و مطبخ وقاعة أكل وبيت تبريد بالمعهد الثانوي حي السرور بكلفة 491 الف دينار، المندوبية عملت الدّراسات متاع البناءات هذه و صرفت 43 الف دينار على الدّراسات، و مبعد بطلت من المشروع أصلا!!

عديد حالات العروض وفرز العروض الي فيها اخلالات إجرائية

_ مشروع بناء مدرسة اعداديّة في القطار بدا تنفيذه في 2010، والى حدود 2016 وصلت نسبة الإنجاز 2% فقط نتيجة ادّعاء بعض المواطنين ملكيّتهم لأرض المشروع دون تقديمهم لما يثبت الملكية، و المقاول تعرّض لصعوبات ماليّة وتخلّى على الصفقة، و الى ماي 2016 ما تمّش القيام بالإجراءات القانونيّة لفسخ الصّفقة و استرجاع 226 الف دينار خذاهم المقاول كتسبقة 10٪ ، المندوبيّة صارفة أيضا 40 الف دينار لإنجاز الدّراسات المتعلقة بهذا المشروع مشت في الهواء!!

_ تمتيع ناس بمساكن وظيفيّة رغم انّ القانون ما يسمحلهمش بالتمتّع بهذه المساكن : عام 2012، 7 مساكن، عام 2013 6 مساكن، عام 2014 7 مساكن، عام 2015 5 مساكن!!

_ تأخير في تحويل المنح متاع التسيير و المطاعم الابتدائيّة، و في 2014 ما تمّش تحويل المنحة الى 12 مدرسة ابتدائية!!

_ الفلوس الي ياخذوهم المدارس من عند التلامذة في شكل معاليم تسجيل و غيرو، المفروض يتمّ تنزيلهم في حساب المندوبيّة الجهويّة من طرف هذه المدارس، بين 2011 و 2015، حتى مدرسة ما صبّت الفلوس، يعني حوالي 193 الف دينار ما تصبّتش!!

_ بالنسبة لتوزيع المدرسين، دائرة المحاسبات تقول حرفيّا انّ المدارس الإعدادية والمعاهد الثانوية داخل المناطق الحضرية في قفصة (المدن يعني) فيها 141 أستاذ زايد على الحاجة، في المقابل فمّا في المناطق الريفيّة نقص بـ 63 أستاذ!! والنتيجة، لجوء المندوبية الى ما يقارب 346 نيابة ظرفيّة، يعني ناس من خارج وزارة التربية والوضعيّة هذي وصلت انّ أساتذة نوّاب يقرّيو في الباك و في مواد أساسية في المعاهد الرّيفيّة، وبعد نقولو علاش نسب النجاح ضعيفة!!

نفس الشي بالنسبة للقيمين والمرشدين التربويين، حاجة المندوبيّة 422، و هي فيها 488،وتوجد معاهد ثانوية فيها نفص قيمين و مرشدين!!

_التجهيزات الإعلامية حدّث و لا حرج، فما 83 مدرسة محتاجة لتجديد الحواسيب الي فيها، في المقابل فمّا مؤسّسات تربوية التجهيزات زايدة عندها، و الزّائد في هذه المؤسسات يشمل 187 حاسوب قار و منقول، و 13 آلة طباعة، و 10 آ لات نسخ، و 38 فيديو بروجكتار و 11 آلة عاكسة ، و65 سبّورة بيضاء… هاذم الكلّ زايدين على مؤسسات تربوية في قفصة و في نفس الوقت فما 83 مدرسة ما عندها شي!!

_ اسداء ترخيص لـ 9 مؤسسات تربوية خاصة رغم ان ملفاتهم غير مكتملة!!

عدم حرص المندوبية على ردع المؤسسات التربوية الخاصّة التي لم تقدم تنظيمها البيداغوجي او التي لم تحترم هذا التنظيم!!

visitez aussi

قضية آدم بوليفة: هذا ما قرّره القضاء في حقّ مريم الدباغ

علمت موزاييك أن الدائرة الجناحية بالمحكمة الابتدائية بتونس قضت بعدم سماع الدعوى في حق” الكرونيكوز” …